انتقد الإعلامي تامر أمين التصريحات المسيئة التي أدلى بها الشاعر مدحت العدل في حق حسام حسن المدير الفني لمنتخب مصر، واصفًا إياها بأنها "بلا مبرر ولا منطق".

قال "أمين" خلال برنامجه "آخر النهار"، المذاع على شاشة" النهار": "غلطان يا دكتور مدحت، مالهاش أبدًا أي مبرر ولا منطق ولا تفسير ولا سبب ولا أي شيء يمكن أن نقبل به الكلام اللي قولته على حسام حسن".

نرشح لك: المنتخب الأسترالي يرغب في الانتقام من مصر بمونديال 2026

أضاف: "ده مش وقته ولا مكانه، ولا التعبيرات والمصطلحات لائقة حتى لو في سبيل النقد والإصلاح.. ده مش أسلوب".

استكمل: "أنا عارف إنك أستاذ في فن التعبير وبتعرف تعالج الأمور بس مداخلتك في برنامج "من ماسبيرو" ماعجبتنش، لأن ردودك كان فيها مبررات".

اختتم: "أنا لو مكانك الاعتذار ثم الاعتذار مافيهوش أي تقليل من قدرك ولا اسمك، بالعكس الاعتذار من شيمة الرجال، لما تحس إنك عملت حاجة غير موفقة وزعلت الناس اعتذر، ساعتها الناس هتحترمك أكتر، وأرجو إنك تقبل مني الكلام ده لأنه نصيحة محب".

كان مدحت العدل قد كتب على حسابه الرسمي عبر "فيس بوك": "إيه إنجاز إنك اتعادلت مع النسخة الأسوأ من بلجيكا اللي إيران اتعادلت معاها ونيوزيلندا الـ 85 اتغلبت 5 من بلجيكا.. حسام مدرب على قده وشخص مريض نفسيا واختياراته منحازة زيه".