كشف الفنان أحمد رمزي عن أعماله الفنية المقبلة، بعد مشاركته في موسم رمضان 2026 بمسلسل "فخر الدلتا"، مؤكدًا أنه بدأ التحضير لفيلم ومسلسل جديد.

قال "رمزي" خلال لقائه مع منصة "blinx": "الفترة اللي جاية إن شاء الله بحضر لمحتوى على الإنترنت، وبحضر لفيلم ولمسلسل، إيه هيطلع الأول مش عارف، بس الأهم أن اللي هيطلع الناس تحبه جدا ويتبسطوا بيه".

في سياق آخر تحدث عن "فيديو تدريجة الشعر" الذي شاركه فيه عدد من النجوم، قائلًأ: "التدريجة دي حاجة شبابية جدا، ودايما تلاقي الناس بتأفور في الهزار.. يعني يقطع فيديوهات من المسلسلات لحد بيتكلم بتناكة ويقولك أنا وأنا لسه مدرج، فأنا بحب الحاجة اللي ليها علاقة بكل الناس وقريبة منهم".

تابع: النجوم ضافوا لي جدا في الفيديو وخلوا الحاجة أحلى بكتير من لو كنت عاملها لوحدي وبوجه لهم كل التحية.. أستاذة لطيفة أنا بعشقها.. وكلمت أستاذ طارق الشناوي وعرفته بنفسي، واتقابلنا واتكلمت معاه عن المسلسل، وقُلت له إن شاء الله اللي جاي يعجبك أكتر وأكتر".

الجدير بالذكر أن الفنان أحمد رمزي شارك في رمضان 2026، بمسلسل "فخر الدلتا" وشاركه البطولة كل من كمال أبو رية وانتصار وحنان سليمان وأحمد صيام ونبيل عيسى وخالد زكي، وأحمد عصام السيد وتارا عبود وعلي السبع وأحمد هشام ووليد عبد الغني وسارة علاء ولينا إيهاب وفرح عزت، قصة عبد الرحمن جاويش، ومن إخراج هادي بسيوني.