كشف الإعلامي شريف عامر عن أحدث أساليب الغش في الثانوية العامة، بعرضه لنظارة ذكية وسماعة متناهية الصغر تُستخدم لنقل الإجابات من خارج اللجان بطرق يصعب كشفها.

قال "عامر" خلال برنامجه "يحدث في مصر" المذاع على شاشة "MBC مصر"، "النضارة دي بتلقط كل حاجة وبتنقلها على التليفون، مجربتهاش على الهواء مباشرة عشان أنا بشتغل في مؤسسة معندهاش أي نوع من الهزار أو المخاطرة أو المجازفة، مع صحة أو دقة أداء الأجهزة سواء الخاصة بالبث أو الأستوديو أو التليفون".

أضاف: "لا يمكن الدمج بين الصور اللي على النضارة دي من غير تعريف أو كشف مسبق على الأجهزة اللي على الهواء، وفيه نضارات بتعملها شركة جوجل أو ميتا وجودتها مختلفة خالص وسعرها يتعدى عشرات الآلاف".

أكد : "النضارة اللي في إيدي دي سعرها من 6 إلى 8 آلاف جنيه مع تطبيقها على التليفون، وممكن تتعامل مع أي ورق وبيتم نقل الصورة دي لأي مكان".

كما كشف شريف عامر عن أسلوب آخر من أساليب الغش في الثانوية العامة، قائلا: "سماعة صغيرة جدا.. ودي ميزة إن يبقى عندك زملاء في سن شاب أنهم يعرفوك الحاجات اللي بيتم تداولها هذه الأيام".

أشار "عامر": "حاولت أحطها غرقت في وداني، ومعرفناش نطلعها غير بملقاط.. أصغر من الدبانة، وبيجي معاها كارت قد محفظة الكروت الصغيرة، وبيدخل فيها شريحة برقم تليفون أول ما تطلب رقم التليفون من تليفونك، بيتفتح الخط اللي بينك وبين المتحدث".