استعادت الفنانة نشوى مصطفى ذكرى آخر حديث جمعها بزوجها قبل ثلاثة أيام من وفاته، مشيرة إلى علاقة الحب القوية التي جمعتهما على مدار أكثر من 30 عامًا، مؤكدة أنها افتقدت الكثير بعد رحيله، وتشعر وكأنها فقدت بصرها.

قالت "مصطفى" خلال حوارها مع الإعلامية إنجي علي في برنامج "أسرار النجوم" المذاع عبر "نجوم إف إم": "قبل وفاته بـ3 أيام قعد يبص ليّ، وقالي: أنا اكتشفت إني بحبك أكتر ما أنتِ بتحبيني، عشان مفيش مرة زعلنا فيها من بعض إلا وأنا اللي جيت أصالحك.. هو فعلًا كان راجل راقي وعارف ضعف الست، ومهما زعلنا واتنرفز، كان لازم قبل ما ينام يجي يصالحني".
كما استعادت كواليس تعاونها مع الفنان الراحل محمود عبد العزيز في مسلسل "محمود المصري"، قائلة: "هو نجم النجوم، بس كان بيتعامل كأنه وجه جديد.. وبيكتب في كراسة ملاحظات المشهد اللي عمله، عشان لما يعمل المشهد اللي بعده يشوف إحساسه كان إيه.. وكمان بيكتب (راكور) إحساس الممثلين اللي معاه جوه المشهد".
وفي سياق منفصل، تحدثت نشوى مصطفى عن موقفها من الحجاب، موضحة: "الحجاب ده فرض ورزق.. وربنا يقدرنا كلنا، ونعمل اللي ربنا أمرنا به يا رب ما أموتش غير وأنت راضي عني، وأكون عاملة كل الحاجات الكويسة.. بس في إنسانة مش محجبة، وبتتقي ربنا في تصرفاتها، وما بتغتبش ولا بتسيء لحد، ولا بتتاجر بأنوثتها.. وربنا يهدي الجميع".
" title="YouTube video player" frameborder="0">