تحدث الدكتور يوسف بطرس غالي، وزير المالية الأسبق، عن ذكريات ثورة يناير 2011، مؤكدًا أنه لا يحمل أي شعور بالمرارة أو الظلم تجاه ما تعرض له، معتبرًا أن ما جرى كان جزءًا من طبيعة العمل العام وما يصاحبه من تغيرات سياسية.

وقال غالي، خلال لقائه في بودكاست "موعد مع لميس"، الذي تقدمه الإعلامية لميس الحديدي، إن العمل العام لا يعرف فكرة "الظلم" بالمعنى الشخصي، موضحًا: " العمل العام مفيش حاجة اسمها اتظلمت، بمعنى العمل العام بتخش بتؤدي واجب بما يرضي ضميرك، وبما يعطيك أنت الفرحة أو ار إنك عملت حاجة أنت كان نفسك تعملها وبتحبها، وتتكل على الله.. محدش هيقولك متشكرين".

وكشف أن عمه، الأمين العام الأسبق للأمم المتحدة بطرس بطرس غالي، وجه له نصيحة مبكرة قبل توليه المنصب الوزاري، قائلًا: "أنا قالهالي عمي أول ما دخلت وزير، قالي: إياك يتهيألك إن حد هيقولك متشكرين وأنت ماشي، هيدوك بالجزمة"، مضيفًا: "وده أنا شوفته يعني.. تاريخ عائلتي كله كده".

وردًا على سؤال الإعلامية لميس الحديدي: "حسيت إنك اتظلمت في 2011؟"، أجاب: "شوفي ده جزء من العمل العام، إنه لما بيحصل تغيرات سياسية في ناس بتتاخد في الزحمة، يعني مش ممكن أقول أنا اتظلمت وكل زملائي اللي انتهوا في السجن ما اتظلموش، كلنا اتظلمنا بما فيها الشعب المصري".

وأضاف: "قعدنا تلات أربع سنين وتُهنا في السكة، وجبنا ناس ما تنفعش وبتاع، فأن أنا أقول اتظلمت معناته إن أنا شايل من النظام أو الشعب، أنا مش شايل من حد بالعكس".