كشف مصطفى شوبير حارس مرمى منتخب مصر والنادي الأهلي، عن دور محمد صلاح قائد الفراعنة في معسكر الفريق خلال كأس العالم 2026، وفي المعسكرات الماضية بصفة عامة.

مصطفى شوبير يتحدث عن دور محمد صلاح في معسكر منتخب مصر 

وقال مصطفى شوبير خلال حواره مع الإعلامي عمرو أديب في برنامج الحكاية على قناة إم بي سي مصر: “محمد صلاح إنسان جميل، بيشيل حاجات في المعسكر ناس كتير متعرفش عنها حاجة، وجميل إنك معاك لعيب تاريخي زي ده”.

وأضاف شوبير: “صلاح راجل اللعيبة كلها بتحترمه وبتحبه، وممكن يحصل موقف يضايق اللعيبة، ولكن بتعديه عشان بيكون صلاح جه اتكلم معاهم، واللعيبة كلها بتروح تسأل صلاح سواء في الكرة أو في الحياة عموما وبيديك النصيحة من قلبه”.

مصطفى شوبير يشيد بإمكانيات حمزة عبد الكريم 

وتابع مصطفى شوبير: “حمزة عبد الكريم حاجة جميلة جدا، محترم ومتربي جدا ومحافظ على تمرينه جدا.. وكمان هو عقلية ماشاء الله، ولاعب مش طبيعي وجامد جدا وجسمه كويس أوي وبيلعب بدماغه، وعنده الجامب هايل”.