عاجل | عاجل.. تحذيرات من التعامل مع شركة تطوير مصر العقارية: عقود تعسفية وتأخير تسليم

وقال متضرر من شركة تطوير مصر عبر صفحتها الشخصية، : البوست ده تحذير لأي حد بيفكر يشتري من شركة تطوير مصر Tatweer  Misrلأني كنت اتمنى حد يحذرني قبل ماشتري منهم انهم شركه تتحدث عن القانون من ناحيه ومن ناحيه أخرى تجبر من المتعاملين معه على هواه دون خلفيه قانونى دون مصدقيه

وتابع:  تقدمت لشراء شاليه فى مشروع المونت الجلاله تطوير مصر Tatweer Misr و دفعت 200 الف جنيه  لانش لشراء شاليه بالمشروع الجديد العين السخنه عن طريق سيلز من الشركه واحد أفراد مبيعاته  وعلى أساس أن مده التسليم 4 سنوات ومن غير مهله تاخير و على أقساط لمده 10 سنوات ويوم اللونش تم تسكين فى شاليه ب 21 مليون جنيه ودفعت 5%( ما يعادل مليون جنيه ) من قيمه الوحده بشيك بنكى وذلك ثابت باستماره حجز وحده بتاريخ26/3/2026

وقال: وذلك عند كتابه العقد النهائى تفاجت بعقد تعسفى بإرادة منفردة من جهاتهم فقط دون مراجعه قانونيه فى ضوء الاتفاق السابق عند تحرير الاستماره وهو يضمن للشركه جميع الحقوق ولا يضمن لى كمشترى شى نهائى ده لو الواحد بيشترى تربه ميكنش كده وده على النحو التالى:-

١_ مده التسليم 4 سنين ونص بالإضافة الى 18 شهر مهله سماح اى أكثر من سنه و مع اضافه مهله آخره لعدم التسليم بغرامه تاخير ١.٥%   سنويا يعنى كل مليون جنيه يخصملى 15 الف فى سنه ويتأخر براحته وفقا للهواء و بإرادته فقط دون الرجوع للقانون فى ذلك وما هو متفق عليه مسبقا٠

2 _الشركه تاخد فلوس وديعه الصيانه من دلوقتى عند تحرير عقد البيع و قبل ما يبدأ فى المشروع اساسا اللى هى المفروض لصيانه ودفع رواتب وكهرباء المشروع الذى لم يبدأ اساسا فى التنفيذ دون الرجوع للقانون فى ذلك وما هو متفق عليه مسبقا٠

٣_الشركه من حقها كيفما تشاء ان تتأخر براحته بالسنه و الاتنين و الخمسه والعشر سنين ومش من حقى اتكلم علشان كله ده مكتوب فى العقد وانا لو اتاخرت يوم واحد لأى سبب كان حتى لو قهرى  (ده مكتوب فى العقد )ادفع ١% عند كل يوم تاخيردون الرجوع للقانون فى ذلك وما هو متفق عليه مسبقا٠

٤_مش من حقى احجز اى قسط او اى دفعه حتى لو الشركه لم تتلزم

ببنود العقد ادفع وانا ساكت دون الرجوع للقانون فى ذلك وما هو متفق عليه مسبقا٠

٥_ عقد تعسفى كل بند يعطيه الحق فى فسخ العقد بدون الرجوع ليا وبيعها مره اخرى وتروح عليا الفلوس اللى دفعها دون الرجوع للقانون فى ذلك وما هو متفق عليه مسبقا٠

٦-يمضيك انه اطلعك على كيفيه التشطيب وانك موافق ومبسوط بيها وانت متعرفش عن التشطيب شى دون الرجوع للقانون فى ذلك وما هو متفق عليه مسبقا٠

٧ – حاجات زى كده كتير

وتابع : وبعد الاطلاع على صيغه العقد رفضت التوقيع وإكمال شراء الشاليه وذلك لانه مخالف لكل الاتفاقات التى تمت بينى وبينك السيلز ( هدف السيلز الوحيد انك يسلمك فريسه للشركه ويهرب ويقولك انا دورى هنا خلص)دون الرجوع للقانون فى ذلك وما هو متفق عليه مسبقا٠وبعد الذهاب للشركه مرات عديده لمحاولة تعديل بنود العقد او حتى جزء منها لضمان اى شى من حقوقى رفضت الشركه بشكل قاطع ولما طلبت اعمل إلغاء للوحده اللى المفروض مفهمينى ان الويتنج لست بآلاف  قالولى راحت عليك الفلوس اللى دفعتها كلها

واستطرد: وتفاجت بمشاكل العملاء فى مشاريع سابقه ليهم مشاريع لم تسلم والتأخير تجاوز الخمس سنوات وكتير من العملاء ترفض التوقيع على العقود بترجع الوحدات  وشركه تحسسك انك المشروع كله خلص والوحدات اللى بترجع اكتر من اللى بتكمل بسبب عدم شفافيه الشركه فى التعامل

وحذر الاخرين من التعامل مع شركة تطوير مصر قائلا: قبل ما تمضى وتتعامل معاهم اقر العقد كويس واعرف حقك وايه اللى ليك وايه اللى عليك قبل ما تفكر تشتري منهم اسأل كويس اللى قبلك استلم فى ميعاده ولا لا  أعرف مشاكلهم مع العملاء فى سابقه اعمالهم .

وتفاعل معه عدد كبير من العملاء المتضررين من الشركة والتعامل معها وتأخيراتهم المستمر، فقال متضرر اخر : تأخيراتهم كتير وخدمة عملائهم من أسوأ ما يكون ، وتابع متضرر اخر:أنا وفي مني كتير شاري من 2018 وحتي اليوم لا يوجد انشاءات في مرحله ال d zone  المونت جلاله يعني عدي 8 سنين من تاريخ التعاقد ولا يوجد انشاءات عالم معندهاش ضمير الصراحه ربنا ينتقم منهم ومن كل الي بيساعدهم