عاجل | عاجل.. لعنة أصابت أسرة ” نوال الدجوي” بسبب الميراث

تصريحات عمرو الدجوي.. 

بدأت القصة بعد ما كتب عمرو الدجوي منشور قال فيه: سرقة القرن … عاوزين تعرفوا حصلت ازاي و حصل فيها إيه و مين وراها ؟ و الأهم فين الفلوس دي دلوقت …الفصل الأول: “المسرحية الرخيصة” في مايو 2025، فوجئنا ببلاغ من جدتي بـ “سرقة الخزن” بتاعتها في أكتوبر … السرقة كانت ملايين الجنيهات و عملات أجنبيه وسبائك و مشغولات ذهبية فلاش باك سريع علي يوم الحادثة.. المهندسه جيجي .” بتاعت الاعمال الخيريه! مع ماما في الشقه اللي فيها الخزن في أكتوبر، و بتحاول تفتح الخزن بالمفاتيح اللي معاها … و بتتفاجئ إن كوالين الخزن متغيرة والمفاتيح الأصلية مش شغالة و ان واضح ان في حاجه غلط.

وتابع: جيجي.” تمسك تليفونها و تطلب الشرطه … و تروح مكلمة قدام الشرطة فني صيانة خزن “الغريب” عشان ييجي يفتح الخزن !و بسرعه الفني ييجي، ويفتح الخزن قدام الشرطة وتطلع فاضية تماماً! جيجي.” تلطم وتعيط .. أخواتي هما اللي سارقين !اخواتها دول (لا مؤاخذه) اللي فيهم واحد اتقتل …تمثيل يستحق الأوسكار بصراحه، لولا إن القدر كان بيكتب سيناريو تاني خالص بقي !المهندسه جيجي” و مامتها “المرحومه” استغلوا كبر سن ماما ومرضها و عملوا محضر بإستخدام توكيل من ماما و إتهمونيا  اننا وراء عملية السرقه … و قالوا للنيابة:أصل الاخين ظهر عليهم ثراء مفاجئ واشتروا عربيات وعقارات!”وطبعاً الهدف كان واضح: نطلع أنا و الدكتور المرحوم الحراميه … ونخسر سمعتنا للأبد !.

ثم بعدها بأيام عاد لكتابة منشور آخر جاء فيه: شكلها هتعملها و لا ايه …عرفت من أكثر من مصدر موثوق … ان الحرامية مسافره، و مش هي لوحدها … دي واخده الضحية في إيدها. تعرفوا ده معناه ايه ؟معناه إما إنها بتخطط لجريمه جديده و عاوزه تكون خارج مصر عشان تكون بعيده عن الشبهات تماما، او هتعمل الجريمه بره مصر و للأسف هترجع من غيرها … او هتهرب عشان عرفت اللي هيحصل قريب اوي.

وتابع: تفتكروا ناويه علي اية المجرمه دي.. أخيرا، حابب افكر الجميع اني لا بفكر أنتحر … و لا ممكن انتحر … و لا عيان … و لا باخد أدويه و في رقبتي اولاد اخويا و اولادي.

وكانت قد حسمت نيابة أكتوبر الكلية، الجدل في واقعة وفاة أحمد الدجوي، حفيد الدكتورة نوال الدجوي رئيس مجلس أمناء جامعة أكتوبر للعلوم والتكنولوجيا، وذلك بعد مرور قرابة العام، حيث انتهت إلى حفظ التحقيقات وقيد القضية باعتبارها واقعة انتحار، عقب التأكد من عدم وجود أي شبهة جنائية أو دلائل تشير إلى تدخل طرف آخر.
‎

أكدت النيابة بعد استكمال كافة الإجراءات القانونية، وفحص الأدلة الفنية، والاستماع إلى أقوال الشهود، ومراجعة التحريات والتقارير، أن الوفاة نتجت عن أفعال انفرد بها المتوفى وحده، مؤكدة خلو الأوراق من أي شبهة جنائية.